एस.ई.ई परिक्षाको नतिजा आज प्रकाशित हुँदैछ। बुधवार नै प्रकाशन हुने भनिएको नतिजा प्राविधिक तयारी नपुगेका कारण राष्ट्रिय परीक्षा बोर्ड आज बिहान १० बजेसम्म प्रकाशन गर्ने तयारीमा रहेको छ।
बोर्डले यस वर्षदेखि लेटर ग्रेडिङ निर्देशिका, २०७८ अनुसार नतिजा सार्वजनिक गर्नेछ । जसमा सैद्धान्तिक र आन्तरिकको मूल्याङ्कन फरक–फरक रूपमा गर्ने व्यवस्था छ । जस अनुसार परिक्षार्थिले ७५ पुर्णाङ्कको सैद्दन्तिक विषयमा परीक्षा उत्तीर्ण गर्न न्युनतम ३५ प्रतिशत अर्थात २६.२५ अङ्क ल्याउनुपर्नेछ भने २५ पुर्णाङ्कको आन्तरिकतर्फ उत्तीर्ण हुन ४० प्रतिशत अर्थात १० अङ्क ल्याउनुपर्नेछ।
विद्यार्थीले कुनै विषयको सैद्धान्तिक तर्फ ३५ अङ्क वा आन्तरीकतर्फ १० अङ्क नल्याएको खण्डमा प्रमाण पत्रमा एन जि(नन ग्रेडेड) उल्लेख हुनेछ। एन जि उल्लेख भएका परिक्षार्थिले मुल प्रमाण पत्र ओआउने छैनन् र एघारमा भर्ना हुन पाउने छैनन्। दुई विषयसम्म एन जि प्राप्त भएमा परिक्षार्थिले यसै वर्ष ग्रेड वृद्दी परिक्षामा सामेल हुन पाउने छन्।
